Ar Bòrd

Is e neach-lagha teisteanaichte a th’ ann am Mòrag NicNèill le còrr air 35 bliadhna de dh’eòlas mar neach-lagha corporra. Bha i na h-àrd chom-pàirtiche ann an companaidh McGrigors LLP (a-nis pàirt de Pinsent Masons LLP) agus mu dheireadh, mar Neach-tagraidh Coitcheann aig Forth Ports plc. Tha eòlas farsaing aig Mòrag ann an roinn nam puirt agus nan calaidhean le cùl-eòlas làidir ann an riaghladh corporra. Is i an t-Iar-Chathraiche air Bòrd Calaidh Obar Dheathain, Iar-Chathraiche air Inbheisteadh Sòisealta Alba, Iar-Chathraiche Oilthigh Heriot-Watt agus Cathraiche Acadamaidh Dhùn Èideann. Tha Mòrag cuideachd na ball de bhòrd-stiùiridh Campas Thachartasan Earranta na h-Alba, aig a bheil seilbh air agus a tha a’ ruith SSE Hydro, agus FARE Alba, carthannas a tha stèidhichte ann an Easterhouse.

Thàinig Kevin gu CMAL sa Ghiblean 2016, a’ toirt leis 30 bliadhna de dh’eòlas ann an gnìomhachasan calaidh, logastachd mara agus loingeis. Mar stiùiriche air Port Milford Haven, prìomh phort san RA a bhios a’ làimhseachadh còrr air 30 millean tonna de chargu gach bliadhna, bha e cunntachail airson stiùireadh malairteach agus obrachail. Eadar 2008 agus 2011, bha Kevin ag obair mar chomhairliche speisealach, a’ solarachadh comhairle fhiosrachail do luchd-dèiligidh mara agus loingeis, a’ gabhail a-steach Companaidh Port Bhaile Átha Cliath, Puirt Peel agus Loidhne Stena. Ann an 1996, chuir e air bhonn Buidheann Aiseagan Seatruck, seirbheis aiseig Chuan na h-Èireann a’ sònrachadh ann am bathar, a stiùir e bhon fhìor thoiseach gu bhith na ghnothachas prothaideach. Mar CEO agus àrd-stiùiriche, bha e a’ coimhead thairis air fòilio inbheistidh de ochd aiseagan bathair ùr-thogte agus còig aiseagan ro-ùghdaraichte.

Chaidh Fraoch NicFhearghais fhastadh mar Stiùiriche Ionmhais san t-Samhain 2020. Tha roinn làidir ionmhasail aig Fraoch, air a gleusadh tro 30 bliadhna de dh’eòlas anns an raon phrìobhaideach agus san roinn neo-phrothaideach. Mus tàinig i gu CMAL, bha Fraoch ag obair ann an Colaiste Rìoghail nan Lighichean is Lannsairean ann an Glaschu, far na chuir i seachad sia bliadhna a’ stiùireadh na ro-innleachd ionmhasail aca, a bha a’ gabhail a-steach sgioba IT a thogail agus ath-nuadhachadh toinnte thogalaichean a stiùireadh. Ron seo, bha i ag obair aig Cobhair Naoimh Anndra airson naoi bliadhna, ag ùrachadh an siostaman agus a’ meadhanachadh phròiseasan cunntasachd. Tha i air a bhith a’ stiùireadh carthannas, dreuchdan Urrasair air a bhith aice, agus tha i dìoghrasach mu leasachadh beatha do shluagh na h-Alba. Tha Fraoch na Co-phàirtiche de Chomann nan Cunntasairean-Cairte Clàraichte.

Chaidh Jim fhastadh mar Stiùiriche Shoithichean aig CMAL ann an 2016. Is e Innleadair Cairte a th’ ann an Jim; Comhalta de Institiùd Rìoghail nan Ailtirean Muireil, Institiùd Innleadaireachd Mara, Saidheans is Teicneòlais agus an Institiùd Innleadaireachd is Teicneòlais. Tha eòlas thairis air 40 bliadhna aig Jim ann an gnìomhachas togail-shoithichean; ag obair ann an àrd-dhreuchdan do luchd-togail shoithichean, luchd-seilbh shoithichean agus comhairlichean dealbhaidh.

Chaidh Ramsay fhastadh mar Stiùiriche Bun-structar Chalaidhean is Planaidh san Dàmhair 2019. Tha còrr air 20 bliadhna de dh’eòlas aige ann an raon farsaing de chuspairean innleadaireachd agus thàinig e gu CMAL ann an 2009 mar Innleadair Togail. Ann an 2012, ghabh e dreuchd mar Cheannard Innleadaireachd Togail, le uallach airson coimhead thairis air liubhairt phròiseactan CMAL an lùib gleidheadh agus bun-structar chalaidhean. Is e Innleadair Togail Cairte a th’ ann an Ramsay agus tha e na Bhall de Institiùd nan Innleadairean Togail; Manaidsear Cairte agus Ball den Institiùd Stiùiridh Cairte; agus Co-phàirtiche Institiùd nan Innleadairean is Saoir-luinge ann an Alba.

Is e innleadair mara teisteanaichte a th’ ann an Greum le còrr air 35 bliadhna de dh’eòlas ag obair ann an gnothachasan mara agus ola is gas, le cuimse air stiùireadh is obrachadh shoithichean. Tha e air frithealadh ann an raon de dhreuchdan stiùiriche gnìomha agus neo-ghnìomha airson còrr air 14 bliadhna ann an diofar bhuidhnean, bho iomairtean ann an seilbh teaghlaich gu buidhnean ioma-nàiseanta. Tha e na cho-phàirtiche de Institiùd nan Stiùirichean, na Stiùiriche Cairte, agus na bhall den Institiùd Innleadaireachd Mara, Saidheans is Teicneòlais.

Chaidh Murchadh MacIllinnein fhastadh mar Stiùiriche Neo-Ghnìomha gu Bòrd-stiùiridh CMAL air 1 Dàmhair 2022.

Am measg nan dreuchdan Ministrealach a bha aige roimhe, tha Maoin Fearainn na h-Alba, Bòrd Slainte nan Eilean Siar san dà chuid dreuchdan Gnìomha is Neo-Ghnìomha, Bòrd na Gàidhlig, Coimisean nan Croitearan agus an uair sin air a thaghadh gu Coimisean na Croitearachd a lean, mar Choimiseanair do na h-Eileanan an Iar. Tha Mgr MacIllinnein a’ toirt leis saidhbhreas de dh’eòlas le ùidh shònraichte ann an raointean Cunntachalachd Bùird, Riaghladh, Sgrùdadh is Ionmhas agus Solar Poblach, an dèidh a bhith na chathraiche air prìomh chomataidhean sna raointean sin air Bùird-stiùiridh eile. A thuilleadh air sin, tha dreuchd Siorramachd aige do Phannal Ath-thagraidh Luachadh na Gàidhealtachd ’s nan Eilean.

Bha dreuchdan aige roimhe mar Chathraiche Com-pàirteachas Foghlaim/Gnothachais nan Eilean Siar agus Tigheann Innse Gall (comann taigheadais) agus Iar-chathraiche Dachaigh is Ospais Bethesda ann an Steòrnabhagh.

Tha Mgr MacIllinneina tha às na h-eileanan agus stèidhichte san Rubha taobh a-muigh Steòrnabhaigh, gnìomhach na chroitear ann an Leòdhas agus na Hearadh, a’ toirt sealladh làidir creidsinneach mu chuspairean eileananch do fhòraman nàiseanta.

Is e proifeiseantach gnìomhachas puirt a th’ ann an Stuart Cresswell, a bha gu 2003 ann an dreuchd Àrd-Cheannardais aig Puirt Co-chuideachdach Bhreatainn (ABP). Bha seo a’ gabhail a-steach làn dhleastanas obrachaidh air obraichean nam port aig ABP uile ann an Alba, nam measg Port an Truthail. Gu làithreach, is e Stiùiriche Neo-ghnìomha a th’ ann air Seòmar Malairt is Gnìomhachais na h-Alba agustha e na chomhairliche glèidhte do ADP airson an leasachaidh ùir air an t-Saor-Phort aig Neig. Am measg nan dreuchdan a bha aige, tha Cathraiche Comataidh Phuirt Alba de Chomann Phuirt Bhreatainn, Stiùiriche Neo-Ghnìomha de Chomann Tairbheach Loingeas na h-Alba, agus Ceann-suidhe Seòmar Malairt Siorrachd Àir. Tha Stuart cuideachd na cho-stèidhiche air TimberLINK a tha air fiodh a chur air falbh bho phuirt agus chidheachan air feadh Costa an Ear na h-Alba. Tha MBA aig Stuart bho Oilthigh Chailleannach Ghlaschu.

Tha Mark Tarry air a bhith ag obair aig ìre gnìomha airson 33 bliadhna air feadh gnìomhachas an rèile. A’ tòiseachadh mar Cheumnaiche Ionmhais, mus do cheumnaich e mar Chomhaltach de Institiùd Cairte Chunntasairean Stiùiridh. Tha e air dreuchd-beatha a thogail ann an gnìomhachas an rèile le eòlas farsaing air ceannardas tarsainn urrasachd, obraichean agus càradh, seirbheis luchd-cleachdaidh agus sèine solair is logastachd, a’ gleidheadh àireamh de dhreuchdan gnìomha. An dèidh èirigh às a dhreuchd san rèile, tha Mark a’ togail cùram-roinne neo-ghnìomha le cuimse shònraichte agus neart ann an dreuchd Cathraiche Chomataidhean Sgrùdaidh is Cunnairt tarsainn roinnean, a’ gabhail a-steach Slàinte, Foghlam agus Sgilean.